او پریشان ساچیوی گل بو گئجه توک اوزووه
دیمه سین گوز او خومار نازلی باخیشلی گوزووه
باشلا بیر تازه نغیل تازه حیکایت بو گئجه
محو اولوم شهدیله بیلمه سوزولن بال سوزووه
بو گئجه آه بو گئجه اوخی آواز بو گئجه
دردین اولدوردی منی ائیلمه ناز بو گئجه
سنه چوخداندی ویریلدیم سنه قوربان اولاییم
گئجه گوندوز او آلا گوزلره حئیران اولاییم
عاشیقم گوزلریوه گوی باخیم گوزلریوه
نازیله باخما گولوم گوز دییر گوزلریوه
قالمادی طاقت و تاب هاردادیر باده ی ناب
دولدور ای ساقی ناب ساغر جام شراب
گل ایچاخ صوبحه قدر گوی سیلینسین بو کدر
یاردان آیری دوشنی عومروموز اولدی هدر